Ռեփեր Ջեյ Զին և երգչուհի Բեյոնսեն հրապարակել են իրենց նորածին դստեր՝ Բլյու Այվա Քարթերի լուսանկարները։ Նա ծնվել է հունվարի 7–ին։ Ներկայացվել է 5 լուսանկար, որտեղ պատկերված են հանրահայտ ծնողներն իրենց փոքրիկի հետ։ Այսպիսով նրանք ցանակացել են  իրենց երջանկությանը հաղորդակից դարձնել մարդկանց։

Թեև փոքրիկն ընդամենը մեկ ամսական է, բայց արդեն հասցրել է նկարահանվել գովազդային հոլովակում, իսկ նրա լացի ձայնը տեղ է գտել իր հոր նոր երգում։ Աստղային նորածնի անունով են կոչել նաև մարիխուանայի տեսակներից մեկը։ Հետագայում ռեփերն ու երգչուհին ծրագրում են «Blue Ivy Carter» ապրանքանիշով երեխաների համար շպարի միջոցներ, հագուստ, խաղալիքներ, տեսախաղեր և ֆիլմեր թողարկել։